لما الشمس من بيتها بتطلع ... ونور الصبح فى الكون يسطع
لما اسمع زقزقة العصافير ... وصوت الميه فى النوافير
لما الديك فى الصبح ينادى .... ويشق سكون الفجر الهادى
اقوم بسرعة من نومى .... وبكل نشاط ابدا يومى
واصلى لربنا وادعو اليه ... يحفظ مصر بين ايديه
وبسرعة اجرى على مدرستى .... ومعايا كتابى وكراستى
سلاحى هو الورقة والقلم .... وفى الطابور احيى العلم
والعب مع اصحابى فى الفسحة ... ويقولوا عليه شاطرة وناصحة
ولما اشوف فى السما غيوم ... وتلبس توب كله نجوم
ونور الشمس يختفى ويدوب ... اتامل فى ساعة الغروب
ولما الليل يفرش ظلامه .... والشمس ترحل من قدامه
وتنتهى كل ساعات اليوم .... اذاكر دروسى قبل النوم
طول الاسبوع اكتب واجباتى .... والعب فى الاجازة مع صحباتى
واطلع على فصلى الاولى ... وانا نفسى اطلع دكتورة
انفع بلدى واهلى وناسى .... وارفع راس مصر وراسى كلمات اسامة فؤاد حنا
Aucun commentaire:
Enregistrer un commentaire