عيسى هبولة / يا الساكن عقلي....!

يا الساكن عقلي...!   "زجل"

يَـا الـسَّـاكْـنْ عَـقْـلِـي،دَاخَـلْـتْ عْلِـيـكْ بَالَّـلـٰهْ
لاَمَـا شُــوفْ مَـنْ حَـالِـي
رَاهْ جَـرْحِـي عَـذَّبـْنِــي مَـا ابْـغَـاشِــي يَـبـْـرَا

مَـا سَـوَّلْتـِي فِـي گَلْـبـِي مَـا گَـلْـتِـي مَـگْـوَاهْ
إِيـدُقّْ بِالـنَّـبـْضْ العَـالـِي
مَـا گَـلْـتِـي ذَاكْ الـمَـغْـــرُومْ قَـلْـبـُــو يَـهـْــرَا

وَاشْ عـَارْفْ يَا مَحْـبُوبـِي نْتَا ضَـرُّو وَ دْوَاهْ
ؤُ بِيـكْ الهْمُـومْ تْسَالـِي
وَاشْ غَـارَقْ فْ لَغـْرَامْ يْصِيـرْ كِيـفْ الغُـمْـرَا

كِيفْ گَلْبَكْ يَا مَحْبُوبِي حْتَى الشَيْطَانْ غْوَاهْ
وَ رْمَـاهْ لْلثَّلْـثْ الخَالِـي
خَـلَّانـِي مَكْلـُومْ وْ ازْنَـدْ فِـي گـَلْبـِـي جَـمْــرَا

غِيـرْ سَامَحْـنـِي يـَا گَلْبِـي مَاگَلْتْلـَكْـشْ نْسَـاهْ
وَامْسَحْ لْغَاهْ مَنْ بَالـِي
رَاهْ خَـرَّجْـنِـــي مَـنْ گَـلـْبـُـو وْ شَـرَّدْنـِي بـَــرَّا

كَنْعَـدِّي فِـي مَكْتُوبِـي وْ مَا نْگُـولْ آشْ ابْـلاَهْ
يَرْخَاصْ وْ اشْبَابُو غَالِي
مَـا نْـفـَكَّـرْ ثـَانـِي فْ لَـغـْرَامْ وَ نْـحُـكّْ الـدَّبْـرَا

يَـا الـسَّـاكْـنْ عَـقْـلِـي،دَاخَـلْـتْ عْلِـيـكْ بَالَّـلـٰهْ
لاَمَـا شُــوفْ مَـنْ حَـالِـي
رَاهْ جَـرْحِـي عَـذَّبـْنِــي مَـا ابْـغَـاشِــي يَـبـْـرَا

بقلــم:عيســى هبولــة