سليمان نزال / مقاطعة عاطفية

مقاطعة عاطفية !

بساعة صبحية ِ

كتبَ الشوق جوابْ..

بلهجة وردية..

دقّت الأبوابْ

و القمر وحداني..

براقب وجداني

نورو عنواني..

بنبضة الأعصابْ

وسألت شو بدكْ

شو لمزعل شهدك

قال القصة عندكْ

جرحتها الأسبابْ

وحدك الجاني..

يا صقر كنعاني..

يا عشق أوطاني..

و حبيبي ما تاب ْ!

بساعة الصبحية..

أخذ الحب حالو

لدرب الحرية..

رح سكر جوالو..

و حضن غزالو..

بنظرة شِعرية..

هربتْ من موالو..

شو بتعشق كرمالو

و لكن مستحيةْ!

سليمان نزال