سليمان نزال / كل الحق

كل الحق على النِت !

كل الحق على النتْ

قالتلي أحلى بنتْ

البوسة وصلت زعلانة

وأنا هيك تخيلتْ

و اللهفة صارت بردانة..

رح دفيها بكرا السبتْ

ضحكة الوردة هربانة..

و ياما فيها تجولتْ

همسة على الشط الثاني..

كم مرة فيها أبحرتْ

و شرفة من دمعة أوطاني..

وياما فيها..تصورت

و ياما فيها غزلاني..

تحدت العدى.. و الموتْ

كل الحق على النتْ..

قول يا مها ما تجرأتْ!

وقف الصدى على صخرة..

وقفة حبي نار و صوتْ

وقف المدى على زندي..

بحرفي نجمة..لو عبّرتْ

صقر الفدى نوره حدي

لو من نزفي..أنا حلّقتْ

كل الحق على النتْ

يمكن صدق قلبي الستْ!

سليمان نزال